To Reveal the Challenge that Humans Face in this Illusionary World and to Show How Hard the Job of Being a Master Is

Одоо Ирландаас Эабхагийн илгээсэн сэтгэгдлийг хүргэе:

Хамгаас Төгс, Хайрт Эзэн Бурхан Бүхнийг Чадагчийн Хувилгаан дүр Төгс Гэгээрсэн Их Багш Чин Хай болон Суприм Мастер ТВ-ийн хичээнгүй хамт олоон, Хүмүүс биднийг сэрээхэд ямар хэцүү байдгийг дамжуулахын тулд би 2022 онд Лондоны төвд нийтийн бясалгалд оролцож байхдаа үзсэн дотоодын ахуй ойлголтоо хуваалцахаар бичиж байна.

Дотоодын Диваажингийн Гэрэл дээр төвлөрч байх үед миний өмнө АСАР том хана гарч ирэв. Энэ нь элсэн шаргал өнгөтэй гэвч үнэхээр гайхам өргөн байв. Түүний суурь нь тэнгэр баганадсан барилгатай илүү төстэй байсан ба энэ нь тэнгэр өөд өндрөөс өндөрт сунасан байлаа. Гэхдээ бидний төгсгөлийг нь мэддэг Дэлхийн хотуудын тэнгэр баганадсан барилгуудаас ялгаатай нь энэ хана үнэхээр өндөр тул би оройг нь ч, хаана төгссөнийг нь ч харж чадахгүй байлаа. Зүгээр л тасралтгүй дээшээ үргэлжилсээр байгаа мэт санагдсан. Хана тэнгэр өөд төгсгөлгүй сунаж тогтсон байгаад зогсохгүй миний зүүн талаар хязгааргүй дурайна. Бас миний баруун талаар. Энэ нь надад Иерихогийн хэрэм ямар байсныг санагдуулсан юм. Өдөр нь нарлаг, гэрэлтэй байсан ч ганцаардлын ер бусын мэдрэмж байв. Энэ миний ганцаардал биш байсан. Би зүгээр л байсан, ердөө энэ аварга хананы нэвтэршгүйг хараад гайхсан! Хамгаалах хана биш, хорих хана байсан нь ийнхүү тусгаарлагдсан мэдрэмжээс илт байв.

Би дээш, зүүн, баруун тийш ширтэн зогсож, түүний хөлд хэчнээн өчүүхэн гэдгээ мэдэх үед энэ хананаас хамаагүй том боловч бүхэлдээ биегүй Бурханы Дуу хоолой гарч ирэв. Их Эзний Дуу хоолой бүх орон зайг эзэлсэн боловч чимээгүй байж, ингэж хэлэв: “Энэ бол хүмүүсийн оюун бодол; тэднийг аврахын тулд би үүнийг даван гарах ёстой.” Тэр хананы ард хоригдож байгаа нь хүн төрөлхтний харилцан уялдаатай ухамсрын бөөгнөрөл мэт санагдаж байсанд эргэлзэхгүй зүйлгүй байлаа. Тэд алслагдмал боловч яг тэнд адил байсан. Тэд хүний амьдралын эгэл жирийн, утгагүй дэмий зүйлд автсан байсан бөгөөд одоогийн амьдралаас өөр юуг ч мэдэхгүй байв.

Би Их Багшийн энэ асар том үүрэг даалгавар болон хүмүүсийн төлөө маш их харамсаж байлаа. Би ч өөртөө харамсав, учир нь миний оюун бодол олон олон төрлийн туршид асар том хананы, тэр дундаа энэ хананы нэг хэсэг байсан гэдгээ мэдсэн. Бидэн рүү хүрэхэд хэчнээн хэцүү вэ... Хэчнээн бэрх байсан ч гэсэн биднээс аль болох олон хүнийг аврахын тулд маш ОЛОН удаа золиос гаргасан Их Багш Тандаа мөнхөд талархан, алдаршуулъя. Диваажингийн Бүрээнүүд оюун бодлын ханыг нураасан тул Их Багш Таны сүр хүчийг магтъя. Дэлхийн азтай, маш талархалтай нэгэн авшигтан, Ирландаас Эабха

Ухаантай Эабха, дотоодын хүчирхэг ахуй ойлголтоо хуваалцсанд баярлалаа. Бурхан эргэн тойронд, бидний дотоодод байдаг ч үүнийг мэдэхэд бидний оюун ухаан л саад болдог тухай бодоход маш гунигтай. Тиймээс бид оронд нь зовлонтой, утга учиргүй амьдарч байна. Энэ хананаас дээш гарахад тусалсан Хайрт Их Багшаа олсон бид үнэхээр азтай, ингэснээр бид өөрсдийн төлөө Бурханыг харж, сонсож болох юм. Та болон цог золбоот ирландчууд дотоод дахь Бурханы оршихуйгаа улам гүнзгий сэрж мэдрэг, Суприм Мастер ТВ-ийн баг

Жич: Их Багш танд зориулж билиг ухааны үгс хэлжээ: “Чөлөөлөгдсөн Эабха, таны дотоод ахуй ойлголт энэ хуурмаг ертөнцөд хүмүүст тулгардаг сорилтыг маш тодорхой илчилж, Их Багш байх ажил хэчнээн хэцүү болохыг танд харуулж байна. Олонх нь дадал зуршил болон бид бол бие махбод гэсэн итгэл үнэмшлээрээ оюун ухааны ертөнцдөө дөнгөлөгдсөн байдаг. Тэдний оюун ухаан нөгөө л ижил бодол, хэв маяг, сэтгэл хөдлөлийн хариу үйлдлийг давтсаар байдаг. Энэ бол таны ахуй ойлголтдоо харсан хана юм, мөн эдгээр хэв маягийн үүсгэсэн үйлийн үрийг илэрхийлж байна. Энэ шоронгоос гарах цорын ганц арга зам бол сүнслэг бясалгал болон энэ саад хоригийг хэдийнээ давсан, бусдад үүнийг нэвт харж, даван гарахад нь тусалж чадах гэгээрсэн Их Багшийг олох явдал. Хайр минь, үүнийг хуваалцсанд баярлалаа. Энэ нь зарим хүмүүст амьдралыг илүү сайн ойлгож, тэдэнд өөрчлөгдөх урам өгч тусалж мэдэх юм. Та болон үзэсгэлэнт Ирланд орон үргэлж Бурханы гэрэлт Хайрын Мөнхийн Нарны туяаг мэдрэг ээ.”