Дэлгэрэнгүй
Татаж авах Docx
Дэлгэрэнгүй уншаарай
Бас олон эмэгтэй Будда бий. Манай бүлэгт Бурханы зэрэгт хүрсэн дор хаяж хоёр гэрээс гарагч, гэлэнмаа байсан. Тэд аль хэдийн өөд болсон л доо. Мөн манай Шинэ Газар Ашрамд тэдний гэрэл зураг байдаг тул зарим хүн үүнийг харж, оюун санааны дадал бясалгал хийх зөв арга барилтай бол эмэгтэйчүүд ч гэсэн Будда болж чадна гэдгийг өөртөө сануулах боломжтой. Учир нь оюун санааны хувьд зөв арга байхгүй бол энэ нь Хятадын Зэн Их Багш (Наньюэ Хуайран)-ийн “Тоосго өнгөлж, толь болгох боломжгүй.” гэж хэлсэнтэй адил юм. Тэрээр үүнийг эмэгтэйчүүдэд биш, эрэгтэй хүмүүст, хэсэг эрэгтэй лам нарт хэлсэн. Гэлэнмаа, жинхэнэ гэлэнмаа болно гэдэг тэр үед ч хэцүү байсан, одоо цагт ч бас хэцүү. Жинхэнэ арга үгүй бол Бурханы зэрэгт хүрэх тухай ярих юм биш. Мөн гэр бүл, нөхөр, бүр хөвгүүдтэйгээ тохиролцоонд хүрсэн байх ёстой.Тиймээс энэ дэлхийд эмэгтэй хүн байх нь тийм ч таатай зүйл биш. Зарим жижиг нийгмийн байгуулал, овог аймаг, эсвэл уугуул иргэдийн жижиг хэсэг гэр бүлийн тэргүүн нь эмэгтэй хүн байдаг, нийгмийн байгууллын олон зүйлийг эмэгтэй хүн толгойлдог үндсэн тогтолцоотой байдаг. Өнөө үед эмэгтэйчүүд золоор ерөнхийлөгч, ерөнхий сайд, гадаад хэргийн сайд, дотоод хэргийн сайд гэх мэт олон яамны сайд, томоохон компанийн гүйцэтгэх захирал зэрэг олон өндөр албан тушаал хашиж болно. Эсвэл алдартай зураач, алдартай эрдэмтэн, алдартай эмч гээд олон төрлийн өндөр албыг хашдаг. Хүмүүс бид хувьсан өөрчлөгдөж, нийгэм маань ч мөн адил хувьсан өөрчлөгдөж, эмэгтэйчүүдийг дэлхий дээрх маш нэр хүндтэй төрөлтнүүд гэж хүлээн зөвшөөрсөнд Бурханд талархаж байна. Үүний төлөө Бурханд баярлалаа.Эмэгтэйчүүд Будда болж чадна гэдгийг батлахын тулд би эргэн ирсэн. Би эмэгтэй дүрээр олон удаа Арьяабал Бодисадва байсан гэж хэлсэн дээ. Мөн Буддын шашинд жишээ нь Махакашьяпагийн эхнэр Бхадда байна. Тэр бас Архад болсон. Даи Тэ Чи Бо Тат ч бас эмэгтэй хүн. Тэд Авид Бурханы Оронд байсаар байгаа. Тэд зөвхөн эмэгтэй төрлийн мөн чанарыг хадгалдаг ч эмэгтэй юм уу эрэгтэй байх албагүй. Тэд хүсвэл юу ч байж болно. Тэд бол Будда нар. Мөн орчин үеийн олон эмэгтэйчүүд Их Багш / Гүрү болцгоосон. Нэг бол Тэврэгч Эх, Энэтхэгийн Тэврэгч Гэгээнтэн гээд олон бий.Парамахамса Йогананда бүх эмэгтэйчүүдийн нэгэн адил нэгэн эгэл жирийн эмэгтэй дээр зочилж очсон. Харин Тэр бол Гэгээнтэн байсан. Түүнийг Тереза Нойман гэдэг. Баасан гараг бүр Эзэн Есүсийн нэгэн адил Түүний гар, хөлийн шархнаас цус гардаг байв. Тэрээр Есүс Эзний зүхэгдэж, загалмайд цовдлогдон, амиа алдсан явдлыг дахин харуулж, дахин амсаж мэдэрсэн юм. Хөөрхий Есүс Эзэн. Үүнийг бодох болгонд зүрх минь маш их шархирдаг. Ээ, Бурхан минь, маш олон Их Багш ингэж тарчлан зовж байсан. Үүнээс дор нь ч бий. Өө, энэ тухай ярихаа больё.Тэгэхээр Будда болсон ч, Шагжамуни Буддаг бас хэд хэдэн удаа хороох гэж оролдож байсан. Нэг удаа Түүний үеэл, бас лам Девадаттагаас болж Будда хөлөө бул чулуунд тастуулж байсан. Девадатта лам байсан бөгөөд лам нарт Буддагаас илүү хатуу чанд дүрэм баримтлахыг шаарддаг байсан! Жишээ нь Шагжамуни Будда үдээс хойш лам нартаа шүүс уухыг зөвшөөрдөг байв. Уг нь бол тэд зөвхөн үдэд л хооллодог байсан. Гэхдээ дараа нь Будда шүүс байвал лам нар нь үдээс хойш ууж болно гэж хэлсэн. Тэрээр мөн лам нараа аян замд явж буй үедээ хүссэн үедээ хооллохыг зөвшөөрдөг байв, яагаад гэвэл тэд дараа нь хэзээ ахин хоол идэх нь тодорхойгүй. Суурин газарт байрлаж, цагтаа явж, цагтаа ирдэггүй. Тиймээс Будда тун либерал байсан. Тэд өдөржин бадар бариад явах боломжгүй учраас өдөрт ганц л хооллодог байв.Гэвч энэ нь нэг удаа хоолловол Будда болно гэсэн үг биш. Тийм биш. Тэгэхээр энэ бол бас нэг буруу үзэл. Хэрэв хүмүүс бага зэргийн тарган, хоол сайтай лам хүнийг харвал түүнийг “тийм ч сайн бясалгаж дадуулдаггүй юм байна” гэж боддог ч, тийм биш. Мөн өдөрт нэг удаа хооллож, яг л яс арьс мэт харагдаж байвал, тэр “үнэхээр ариун” байх гэж бодох нь бас буруу. Тийм биш. Мэдээж, хоол унд гэх мэтэд хэт шуналгүй, бага зэргийн сахилга баттай байх тун сайн. Гэвч үүнээс болж Будда болдог юм биш! Үгүй, үгүй.Та нар санаж байна уу, Буддын шашинд өмнө нь нэг удаа, одоо ч гэсэн Майдар Бурханыг хөшөөг том гэдэстэй, их тарган бүтээж, дэргэд нь том ууттай юм тавьсан байдаг. Тэр уут нь магадгүй хүүхдүүдэд тараах амттан, тоглоом зэргээр дүүрэн байсан байх. Гэхдээ Тэр бол Майдар Бурханы хувилгаан дүр. Хүмүүс Түүнийг Майдар Бурхан гэдэгт итгэдэггүй мэдэж байсан учраас Нирваанд хүртлээ Тэрээр юу ч хэлдэггүй. Үүнээс өмнө Тэр хүмүүст “Үнэхээр, би бол Майдар Бурхан” гэж хэлсэн шүлэг бичсэн. Дэлхийн хүмүүст өөрийгөө Будда эсвэл Христ гэж хэлнэ гэдэг өөртөө асуудал, эсвэл загалмай дуудсан хэрэг болно. Бүхий л Их Багш нарын амьдрал хүндрэл, зовлон бэрхшээл дүүрэн, заримдаа амь насаа ч алддаг.Будда эрэгтэй ч байж болно, эмэгтэй ч байж болно. Нөхцөл байдлаас хамаарна. Хэрэв Будда дээд түвшнээс ирсэн бол тэд заримдаа Өөрсдийгөө эрэгтэй, эмэгтэй хүн болгон өөрчилж чадах эсэх нь тухайн нөхцөл байдлаас хамаарна. Яг л Арьяабал Бодисадва шиг. Тэрээр дэлхийд туслахын тулд эмэгтэй юм уу эрэгтэй дүрээр, эсвэл янз бүрийн цол, албан тушаалтан болж төрөл авах боломжтой гэж бүр Будда хэлсэн.
“Бодисадва Акшаяматид Будда ийн айлдав: “Ай буянт айлын хөвгүүн минь! Хэрэв хаа нэг газар хамаг амьтныг Буддагийн дүрээр аврах ёстой бол Жанрайсаг Бодисадва өөрийгөө Буддагийн дүрд хувирган Дээдийн Номыг сургадаг байсан. [...] Гэрийн эзний төрөл авсан аврагдах хүмүүст Тэрээр Өөрийгөө гэрийн эзний дүртэй болгон өөрчилснөөр Дээдийн Ном заадаг. Төрийн түшмэлийн төрөл авсан аврагдах хүмүүст Тэрээр Өөрийгөө төрийн түшээгийн дүрд хувирган, Дээдийн Номыг заадаг. Брахманы төрөл авсан аврагдах хүмүүст Тэрээр Өөрийгөө брахманы дүрд хувиргаад Дээдийн Ном заадаг. Лам, гэлэнмаа, жирийн хүн, жирийн эмэгтэйн төрөл авсан аврагдах хүмүүст Тэрээр Өөрийгөө хувраг, гэлэнмаа, жирийн хүн, жирийн эмэгтэйн дүрд хувирган ном заадаг. Баян чинээлэг, гэрийн эзэн, төрийн түшээ, эсвэл брахман хүний эхнэрийн төрөл авсан аврагдах хүмүүст Тэрээр Өөрийгөө ийм эхнэрийн дүрд хувиргаад Дээдийн Номыг заадаг. Хүү, охины төрөл авсан аврагдах хүмүүст Тэрээр Өөрийгөө хүү, охины дүрд хувиргаж ном заадаг.’” ~ Бадамлянхуа судраас 25-р бүлэг
Өдөрт нэг л удаа хоол идэх нь өөрийг тань Будда болгоно гэсэн үг биш. Хэрэв тийм байсан бол олон өлсгөлөн хүн Буддагаас ч өндөрт гарах байсан шүү дээ. Зүрх сэтгэлдээ цэвэр ариун байх ёстой. Хэрэв Та мянга, тэрбум, их наяд, тоо томшгүй олон эриний турш Будда байсан Нэгэн заримдаа хатагтай, женьтлемен, лам, гэлэнмаа, эсвэл жирийн нэгний дүрээр, эсвэл бизнес эрхлэгч эрэгтэй, эмэгтэй хүн гээд бусад олон өөр албан тушаалтны дүрээр төрөл авах боломжтой. Тиймээс эмэгтэй хүн байсан ч хамаагүй Будда байх боломжтой.Үүнийг би та бүхэнд баталж байна. Яагаад гэвэл манай бүлэгт, миний шавь гэгдэх Бурхны шавь нараас нэлээд хэдэн хүн Будда болсон. Зарим нь одоо ч амьд сэрүүн байгаа. Амьд байгаа хүмүүсийн талаар би дурдмааргүй байна. Учир нь тэднийг тойрон хүрээлж байгаа хүмүүсийн хоосон магтаал би үзлийг нь дэвэргэн, унагаж болзошгүй. Энэ амархан. Энэ ертөнцөд унах амархан.Бүр... Гуанг Чин ламын түүхийг санаарай. Тэрээр энэ гараг дээрх сүүлчийн төрөл авалтаасаа 600 төрлийн өмнө шууд Авид Бурханы Орноос ирсэн. Гэсэн ч тэр олон алдаа гаргадаг. Авид Бурханы Орноос эргэн ирснийхээ дараа Тэр харж байсан. Тэрээр энэ гараг дээр хүний дүрээр түр саатсан энэ 600 төрөлдөө гаргасан алдаа, буруу хийсэн зүйлсээ хүмүүст хэлсэн бөгөөд, хамгийн сүүлийн төрөлдөө лам болдог.Дэргэд тань зөв бурууг хэлээд өгөх хэн ч байдаггүй учраас унахад үнэхээр амархан. Яагаад гэвэл Даоизмд дурдсанаар бол нийгэм бүхэлдээ томоохон будгийн сав. Тэгээд бүгд тэр будагч сав руу үсрэн ордог. Тэгэхээр манай дэлхий будагч сав бол бид бүгд адилхан өнгөөр будагдсан байх болно. Та нарт үнэхээр хэцүү, хүүхэд байхаасаа өсөж бойжиж, дараа нь өсвөр насанд хүрч, залуу настай золгож, нас бие гүйцэж, тэгээд өндөр настан болно. Бид цаг үргэлж, амархан гэгч нь олон алдаа гаргаж, буруу юмс хийдэг. Зөвхөн азтай хүмүүс л магадгүй бага залуугаасаа сайн Их Багштай учирч сайн байхыг заалгаж, өөрийг нь харж хандаж, цаашид сайн байхыг ярьж сануулсаар байдаг. Тэр тохиолдолд тэр хүн магадгүй энэ нийгэмд, энэ дэлхийд тогтвортой, бат байж үргэлжлүүлэн сайныг үйлдэж, сайн байх ба улмаар Буддын хутагт хүртлээ сүнслэгээр дадуулах болно.Photo Caption: Цэвэр, Тогтвортой Байдал, Эрх Чөлөөний Орон Зай, Эрхэм Нандин!
